Efni myndanna

Að lifa, að vera til

Að lifa, að vera til (Finnland 2007)

Leikstjórn: Reetta Aalto
Lengd: 13 mínútur

Það styttist í stúdentspróf hjá Veera og hana langar sífellt meir að flytja að heiman. Veera er einkabarn og foreldar hennar eiga erfitt með að sætta sig við að hún sé á hraðferð út í lífið á eigin spýtur.

Töfradrykkur

Töfradrykkur (Svíþjóð 2004)

Leikstjórn: Babak Najafi
Lengd: 26 mínútur

Fjórir innflytjendastrákar í úthverfi Stokkhólms eru drjúgir með sig þegar þeir finna undarlegan gosdrykk. Líf þeirra umbreytist eftir að hafa smakkað á drykknum. Strákarnir telja sig hafa stjórn á aðstæðunum, en svo fær Marco örlagaríka hugmynd.

 

Góðir gestir

Góðir gestir (Ísland 2006)

Leikstjórn: Ísold Uggadóttir
Lengd: 19 mínútur

Katrín er íslensk stúlka sem býr í New York með kærustunni sinni. Hún fer til Íslands til að fagna sjötugsafmæli afa síns, en tilfinningar hennar eru blendnar. Ætti hún að upplýsa fjölskylduna um leyndarmál sitt? Hana grunar ekki að í fjölskyldunni leynist fleiri leyndarmál.

 

 

Ofsóknaræði

Ofsóknaræði (Danmörk 2007)

Leikstjórn: Jesper Troelstrup
Lengd: 15 mínútur

Maður nokkur er staddur í íbúð í Kaupmannahöfn og smíðar eitthvað sem líkist sprengju. Hann hlustar á útvarpið sem flytur fréttir af skopmyndum af Múhammeð spámanni. Stuttu síðar er hann á ferð í neðanjarðarlestinni og hefur dularfullan bakpoka meðferðis. Hver er þessi maður og hver eru áform hans?

 

Tveir á móti einum

Tveir á móti einum (Noregur 2007)

Leikstjórn: Alexander Kayiambakis
Lengd: 10 mínútur

Mats og vinur hans vaxa úr grasi í austurhluta Oslóborgar á níunda áratugnum. Þeir falla illa inn í hópinn og verða fyrir einelti. Við fylgjumst með Mats þegar hann er orðinn fullorðinn og neyðist til þess, að horfast í augu við fortíðina.